البنت احسن من الولد؟؟

[ogy2010]

بعد التدقيق والتدوير والتنقيب

اثبتت التحريات ان البنت احسن من الولد والاسباب :

تتكلم براحتها في التليفون وابوها او جوزها اللي هيدفع الفاتوره

البنت مش ملزمه تجهز نفسها ابوها او خطيبها اللي هيدفعو دم قلبهم

مفيش حد بيبص علي بدله العريس كله بيركز في فستان العروسه

لو واحده عملت مخالفه مرور تعيط شويه للظابط وهو يعديها لو راجل
هياخد علي دماغه

البنت مش ملزمه تدفع ضرايب ابوها او جوزها بيدفعوها

لو واحده مدتش لقرايبها عديه مفيش حد هيتكلم ولا يقول ياه دا راجل
تبت وبخيل
لو واحده متاخره علي المحاضره ممكن الدكاتره يدخلوها لو ولد
يقولوله روح يا بابا كمل بره في الشمس

لو حصل زعل بين البنت وباباها مش هيطردها بره البيت بس هي يدوب
دتخل الاوده وتعيط شويه وبابا يروح يصالحها أما الولد فيدوب يلحق
مكان ينام فيه جنب البواب

دلع البنات :
ياختي قميله ) سنتين)
يا عسوله (5 سنين)
يا عروسه (12سنه)
يا قمر (18سنه)
يا هانم (40سنه)
يا ست الكل (50سنه)
يا أم العيال (60سنه)

دلع الأولاد:
انت ياد (10 سنين)
انت يا شحط انت بقيت طول الباب اهوه (18 سنه)
يا راجل (40 سنه)
يا عم الحج (50 سنه)
يا راجل يا عجوز منخيرك اد الكوز (60سنه)


شوفتوا بقى ان الولاد مظلومين اوى وحقهم را يح

[زهراء الربيع]

السلام عليكم

شكرا لموضوعك

جزاك الله خيرا

[ogy2010]

وجزاكم

شكرا على مرورك الجميل

[pink_flower]

ههههههههههههههههههههههه
الموضوع يجنن وشكرا على المجهود
ولو ممكن تقول اسم المنتدى الخاص بيك لو مفيش اعتراض يعني؟

[ogy2010]

أولا شكرا لمرورك

ثانيا دا كلامى

[pink_flower]

لا مش قصدي

انا قرات في موضوع تاني انك كنت غايب عننا عشان انت عملت منتدى لنفسك فكنت عايزة اشترك فيه مش اكتر

[hala salah]

هههههههههههههههه اكيد البنات احسن من الاولاد عندك شك فى كده
لا بجد ما الولاد بيخدوا حقهم بيسهروا بره لحد الصبح
وبيمشى عادي مع بنات
اسم الولد اللى بيخلفه بيكون مضاف ع اسمه
والله حاجات كتير
واحنا من غيركم ما نسواش
ولا انته
ههههههههههههه بهزر اوكى
تقبل تحياتى ............. هاله

[nessma emad]

ههههههههههههه
ميرسي يا أوجي على الموضوع
التحفة دا
وهو حلو و كوميدي
وتسلم إيدك

[sindrela_sh]

هههههههههههههههههههههههه

ميرسى اوجى

[نرمينا]

اهو ده الكلام ولا بلاش اومال ناخد حقنا ازاى و احنا بيقولو علينا ع طوووول الجنس الضعيف....