نهاية عاشق

[غازى المصرى]

نتيجة التلاكيك
(( واحد قاعد مع خطيبته .. وهى بتتلكك ليه))

- شايفه القمر يا حبيبتى ؟؟
-- أمال فاكرنى عاميه .. قصدك إيه ... قصدك إنى ماباشوفش يعنى؟؟
- لا يا حبيبتى ماقصدش .. انا آسف
-- إيه آسف دى .. قلتلك بحب الشخصية اللى مش ضعيفة ,, نفسى مرة تعارضنى ...
- طب يعنى أعمل إيه ..
-- إيه يعنى تعمل إيه دى .. انت مابتعرفش تتصرف انت ....
- يوووووووووووووه انتى عايزة إيه بالضبط وانا اعمله عشان اليله دى تعدى على خير
-- إيه ده ........ انت مش طايقنى .. يعنى انا باتلككلك ولا إيه ؟؟
- هى ليلة سودة من أولها .. انا ماشى
-- استنى .. استنى .. حتى كمان مش معبرنى وانا بنادى عليك ... استنى..
- يووووه فين الباب ... الباب مابيتفتحش ليه .. - ومسك الباب المقفول وقعد يحاول يفتحه - .. افتح بقى
-- وكمان بتتنرفذ على الباب بسببى؟؟
- يا ستى بلاش الباب - وبص حواليه -... خلينا فى الشباك ...

( وفتح الشباك ونط من الدور التالت)

- آآآآآآآآآآآآآآآآآآآآآآآآآآآآآآآآآآآآآآآآه (((بوم)))
-- ماشى يا حبيبى .. بس لما تيجى تانى .. والله لانكد عليك ....

((((((((((( الله يرحمه )))))))))))

[غازى المصرى]

م الحق ....... نسيت اقولكو على حاجة ... الأخ ده أنا أعرفه كويس قوى قوى قوى قوى قوى .........