كيف تعكنن على زوجتك؟

[lucky girl]

نصائح للعكننة على الزوجة

الصبح وانت رايح على شغلك وهى نايمة تعمد اسقاط اى شيئ او خبط الباب بصوت عالى علشان تصحيها هى كمان 00 اشمعنى انت ؟ ولو حاولت ترجع تنام تانى قالها مادام صحيتى حضري الفطار بقى

اذا كنت بتتفرج على التلفزيون وهى عايزة تغير القناة 00 قالها معلش الحلقة دى مهمة جدا واحد صحبى شافها على القناة الفضائية وقالى ان الحلقة دى هى المسلسل كلة 00 ولو كنت بتتفرج على ماتش كورة هيبقى الموضوع اسهل 00 كل ما حد من اللاعبين من اى فريق يمسك الكورة قالها معلش ثوانى بقى انا حاسس ان الكورة دى جون حتى لو كان حارس المرمى ماسك الكورة والماتش واقف لان فى واحد مصاب

( ملاحظة : اغلب النساء ذو ثقافة كروية ضعيفة )

اصح يوم الجمعة بهمة ونشاط وجهز الافطار لزوجتك بس متنساش انك تستخدم 15 طبق واكبر كمية من الملاعق والشوك و 5 حلل من اللى عندكم فى المطبخ و 10 كوبيات لاعداد طبق بيض وسندوتش جبنة

طبعا يراعى ترك اثار سمنة على الارض مع ترك التلاجة مفتوحة وقشر البيض فى الحوض

فى عيد ميلادها زينلها تورتة عيد ميلادها بخمسين شمعة ولو سألتك لية خمسين رغم ان عندها 15 سنة بس ؟ اتحجج بضعف الاضاءة فى البيت وانت بتبص على النجفة اللى عندكم اللى فيها 30 لمبة مع ابتسامة صفراء خفيفة

لو عملة ريجيم اجرى على السوبر ماركت ومحلات الحلويات واملى التلاجة شكولاتة وحلويات وجاتوهات 00 يرعى التجول وانت مستمتع بأكل الجاتوة امامها

متنساش رأيك فى طبيخها لو عاملة لحمة قالها حلو اوووى الفراخ دى 00ولو طبخة بامية 00 جميلة اوى الملوخية دى حطة عليها اية ؟؟ ولو عملة كيكة قالها انا بحب اشرب شاى مع البسكويت الحلو دة !!

لو طلبت منك تنشر الهدوم قالها حاضر مع ابتسامة حانية وبعد ما تخلص نشر الهدوم ادخل عليها وقولها انا نازل اجيب الهدوم اللى وقعت منى فى الشارع ولو سألتك هو اية اللى وقع ؟ اذكر لها كل هدومها اللى كانت مغسولة مع فردة شراب من بتوعك علشان متبقاش مقصودة منك !

لو الزوجة قررت مسح الارضيات فى البيت حاول انك تروح وتيجى على المناطق المبلولة متحجج بأنك محتاج تتصل ضرورى بواحد صحبك ومرة عطشان ومرة تانية بتجيب الجرنال ومفيش مانع انك تقول انك حاسس ان التليفون هيرن كمان شوية

لو كانت مشغولة فى نظافة البيت او مع الاولاد وطلبت منك تغسل كوبتين الشاى بتوع الصبح الموجودين فى الحوض ارجعلها كمان دقيقة من دخولك المطبخ وانت ماسك كوبية من الاتنين وهى مكسورة واسألها فى براءة ارمى دى فين ؟؟

وانت قاعد تتفرج على التلفزيون وهى طالع عينها فى تنظيف البيت وبعد ما تخلص وتيجى يدوبكك تقعد تستريح جنبك بصلها وقالها حبيبتى معلش ممكن كوبية مية علشان ضهرى بيوجعنى !!

طبعا يا جماعة دة هزار محدش يبقى غلس اووووووووووى كدة برضة الستات طيبين

[Love For Ever]

يا ساتر
اصلا من غير موضوعك العيشة عكننة
يبقى مش ناقصة ولا ايه !
سلام

[™ i$LâM iTâLy]

ليه يا لكي كده .. طيب افرضي اللي هيجوزك قرا الموضوع ده ياقمر ....

[! HavinG FuN !]

مفيش احسن من العكننه ديه انا بحبها موت انا هعكنن علي مراتى كل يوممم علشان اطهقها في عيشتها ان شاء الله لما تجوز الف شكر لكى جيرل علي النصائح

[MaNCHY]

انا لاحظت حاجة فى الموضوع دا

ان الحج الوالد الى هوة ابويا يعنى بيعمل كدا فى ماما

اما بيجى يتفرج على المتش تيجى ماما تغير القناة علشان التمسلية

يقلها استنى اهى الكورة دى جون تقوم ماما سيبة التلفزيون ولو تعرف وتدخل اقتها

انا بقى مريح دماغى

لو تعرفى تكتبى موضوع عكننة على البيت كلو تبقى عملتى واجب وللة

انزلو تحت كدا شوية

من MaNCHY

[~ شـــهرزاد ~]

بدال مو حاط كيف تعكن على زوجتك قول كيف تعكنين على زوجك

كذا احسن واسهل بي الكتابه ترى
جربها في الموضوع الجاي اوكي
هههههههه

تسلم واللــه بس ليش الحقد يعني على النساء حرااام


تحياتـــــــــي

[نسمة حزن]

انا الى هعمل كدة فى زوجى ونصايح اتعلمت منها

ميرسى على الموضوع الجميل