""""""""هلوسات اردنيه"""""""" 2

[Adam-sarah]

نقوط

يعني زمان ... كان الواحد يتزوج بكل بساطة، بدهاش صالات وبيت ايجار وديجيتال ريسيفر ومش عارف شو ... راس مالها لبنتين فوق دار اهلك ... وحصيرة وفرن طابون ومشوار على الاحوال المدنية ، بس مع مرور الوقت ، صارت الشغلة اصعب واذا مش قد حالك ، معناتو بتقعد في داركو وبتستنا يجيك العدل (بفتح الدال)


وهون بيجي دور النقوط ... واللي صار الو دور اهم من العريس نفسه (مع انه بتعب هاد التاني )، وعشان تضمن نقوط محرز بدك تراعي كتير شغلات أهم شئ انه :
1- تعملش العرس باخر الشهر، ما حادا بتطلع بسحنتك
2- اعمله مختلط الشباب بتستحي واللي بدوش ينقط بينقط
3- تعملوش خلال رفع البنزين والمحروقات مع انهم برفعوه كل 3 دقايق، بس دبر حالك.
4- اذا عملت العرس بالصيف بتضمن كل افراد العيلة المتغربين ييجو، بس برضه الصالات بالصيف اغلى بالضعف صفت هي هي.
5- حاول تعزم اللي معهم مصاري ، مش ضروري صحابك المقحطين ييجوا ، بتورجيهم صور العرس وخلصت فكّت ، اصلن هادول بيجوا ياكلوا جاتوه ويشربوا بيبسي ، ويا حبيبي اذا غلطت وعملت بوفيه ، كل واحد منهم بجيب العيله كلها ، قال ايش: "والله حبّوا يفرحولك"
6- كما تدين تدان ولو بعد حين .


يعني بحبح ايدك لما تكون معزوم على اعراس اللي بتعرفهم، بلا من 10 ليرات يا سيدي.

المصيبة انك في الاخر رح تصرفهم لما تنزل على شرم الشيخ ولا مونتينغرو ، بشهر عسل ، يعني مطرح ما شوسمو، شنقوه

ناس بتفهم

هاد الشي كتير ملاحظ بالشعب تبعنا ، بيفهم بكل اشي اسم الله حولو، من الكتكت تبع ماسورة الحمام ، لسياسة جورج دبليو بوش بالشرط الأوسط ، شو ما حكيت ، بينطلك واحد بيقولك "غلطان!" الشغلة كيت كيت كيت كيت ، واذا كنت فاهم شوي بالموضوع او بلشت تفهم بتبطل فاهم اشي.

والمشكلة، انه احنا كتير فريندلي سمتايمز ، يعني بتشوف جارك وانتا طالع، بسألك "عا وين يا جار" بتحكيلوا " والله رايح اجيب واحد ايزبطلي هالماسورة" بجحرك وبيقولك " يا زلمة هيي صنعة، هسه بنسوكجلك اياها" وبروح بيفكفك كل اشي في براغي ، بتصفي عايش بسيل الزرقا مش بداركو، وفي الاخر بيقولك: "اه والله ... شكلوا بدها واحد شاطر" يا فرحتي بيكفي القهوة والشاي اللي صفقهم.

ويا حبوا بالسياسة كلها بتحكي سياسة ، يعني لو ابو نورس ، الشوفير تبع باص رغدان – السلط رقم 29، كان محل صدام حسين ايام الحرب ، كان مش بس هزم الامريكان وبيجوز رجّع فلسطين بطريقه.

[* بنوتة نعومة *]

يسلمووووو ..

[(الجزار)......]

thnxxxxxxxxxxxxxxxxxxxxxxx